औरंगाबाद : मराठवाडा विकासाच्या विविध प्रश्नांवर चर्चा करण्यासाठी मराठवाडा जनता विकास परिषदेच्या वतीने येत्या १६ जून रोजी औरंगाबादेत सर्वपक्षीय आमदारांची बैठक बोलावण्यात आली आहे. या बैठकीस राज्याचे माजी मुख्यमंत्री अशोक चव्हाण यांच्यासह काही मंत्री उपस्थित राहणार आहेत.
परिषदेचे अध्यक्ष व्यंकटेश काब्दे आणि सरचिटणीस डॉ. सोमनाथ रोडे यांनी सांगितले की, मराठवाड्याच्या पाणीप्रश्नावर जनता विकास परिषद मागील काही दिवसांपासून न्यायालयीन लढा देत आहे. या लढ्यामुळे नगर, नाशिक जिल्ह्यांमधील धरणांमधून जायकवाडीत पहिल्या टप्प्यात अडीच टीएमसी आणि दुसèया टप्प्यात नऊ टीएमसी पाणी सोडण्यात आले; परंतु हा प्रश्न विधानसभेतही तेवढ्याच ताकदीने मांडण्याची गरज आहे.