प्रतिनिधी
औरंगाबाद : वेगवेगळ्या गुन्ह्यात मागील अनेक वर्षापासून फरार असलेल्या चार आरोपींना गुन्हे शाखेच्या पथकाने अटक केली. यातील चारही आरोपी क्रांतीचौक पोलीस ठाण्यात दाखल असलेल्या विविध गुन्ह्यामधील आहेत. मोहंमद पाशा मोहंमद गफूर (४८, रा. काबरानगर, गारखेडा परिसर), मोहमंद अफसर मोहंमद गफूर (३६, रा. सुतगिरणी परिसर), मोहंमद हनिफ मोहम्मद गफूर (२०) असे अटक करण्यात आलेल्या आरोपींची नावे असून तिघेही कलम ३२४ भादंवि गुन्ह्यातील आहे. ते २० वर्षांपासून ते फरार होते. तसेच राजपाल रघुवीरqसग सोधे (४५, रा. मंजूरपुरा, हर्षनगर) असे अटक केलेल्या चौथ्या आरोपीचे नाव आहे. तो कलम २९५ या गुन्ह्यात मागील १२ वर्षापासून फरार होता. ही कारवाई मुख्यालयाचे पोलीस उपायुक्त सोमनाथ घार्गे, गुन्हे शाखेचे प्रभारी सहायक आयुक्त तथा पोलिस निरीक्षक रामेश्वर थोरात यांच्या मार्गदर्शनाखाली पोलीस उपनिरीक्षक अजयकुमार पांडे, साईनाथ महाडीक, जारवाल, नवनाथ परदेशी, भानुदास पवार, प्रभाकर राऊत, तांदळे यांच्या पथकाने केली. चौघांनाही क्रांतीचौक पोलीसांच्या ताब्यात देण्यात आले आहे.