भरजरी अनारकलीची स्टाइल अजूनही इन आहेच. पण सध्या चलती आहे, ट्रान्सपरन्ट अनारकलीची. या ट्रान्सपरन्ट घेरामुळे चुडीदारवरचं वर्कही दिसून येतं आणि छान लुकही मिळतो.
फॅशनच्या बाबतीत बोलू तेवढं कमीच आहे. दररोज बाजारात एक नवी फॅशन दिसते. त्यातही कपड्यांच्या तèहा तर पाहायलाच नकोत. सध्या लग्नसराईचा मोसम सुरू आहे. त्यामुळे आलेल्या पाहुण्यांपैकी नव्वद जणींचा अनारकली सूट असतोच असतो. कॉटन कॉटन अनारकली, वर्कड अनारकली, शरारा अनारकली, पेट्लेट्स अनारकली, डबल घेर अनारकली असे विविध प्रकार यामध्ये पाहायला मिळतात. त्यातच आता भर पडलीय, टड्ढान्सपरंट अनारकलीची. सध्या हे डड्ढेसेस टीव्ही, सिनेमाच्या तारकांवर झळकताना दिसले तरी लवकरच ते बाजारात दिसतील. या डड्ढेसचा वरचा अर्धा भाग कॉटन, शिफॉन, वेलवेट अशा मटेरिअलचा असून त्यावर पूर्णतः वर्क केलेलं असतं. तर डड्ढेसचा खालचा घेर संपूर्ण टड्ढान्सपरंट असतो. या स्टाइलची खासियत म्हणजे त्याची सलवार प्लेन नसून, चुडीदार स्टाइलची मस्त भरीव वर्क केलेली असते. पायावरची ही डिझायनर चुडी उठून दिसावी म्हणूनच अनारकलीची घेर ट्रान्सपरन्ट ठेवला जातो. या पॅटर्नमध्ये क्रेप, सिल्क, वेलवेट, क्रश अशा मटेरिअल्सला जास्त मागणी आहे. ही फॅशन नवखी असली तरी अनेक मैत्रिणी त्याला पसंती देताना दिसताहेत. अनारकली डड्ढेसइतकाच महत्त्वाचा असतो त्याचा चुडीदार. पण अनारकलीवर खूपच वर्क असल्याने पायावरची चुडी झाकली जाते. मग ती डिझायनर चुडी दिसण्यासाठी अनारकलीच्या टॉपमध्ये असा बदल करण्यात आला आहे.
